Зоз Заключеньом Скупштини Городу Нового Саду од октобра 2011. року, согражданом хтори поряднє вимирйовали свойо обовязки ґу городскей комуналней системи оможлївене ошлєбодзенє од плаценя цалей обовязки єдного мешачного рахунку за квартельно-комунални услуги.
ЯКП "Информатика" Нови Сад порушала акцию ''Белава домашня рачуналька'' жадаюци афирмовац праве позитивне становиско ґу комуналней системи, як и ошлєбодзиц Новосадянох хтори на час вимирюю свойо обовязки од плаценя єдного мешачного рахунку. Спомнута акция од старту ясно дефиновала условия здобуваня златней кульки (з плаценьом рахункох квартельно-комуналних услугох на час, у континуитету предходних шейсцох мешацох, патрене у моменту обрахунку за чечуци мешац) и здобуваня бодох (по критериюме датуму уплацованя рахункох, цифри хтору ше уплацує, статусу пензионер або субвенционовани хаснователь - максималне число бодох у єдним мешацу 25).
ЯКП "Информатика" Нови Сад обдумала тоту акцию, уложела ресурси и материялни и фахово. Белава домашня рачуналька успишни проєкт подприємства, бо уровень наплацованя подзвигнути за вецей як 5%, а з другого боку стимулує хасновательох же би поряднє плацели свойо рахунки.
| File | Size |
|---|---|
 Критеријуми - Графички приказани | 1.3 MB |
